Men Ek Musalman Hoon

تیرے بندوں کا تیرے سوا کون ہے

ارشادِ ربانی

اگر تم ان سے پوچھو کہ زمین اور آسمان کو کسنے پیدا کیا ہے تو یہ ضرور کہیں گے ﷲ نے، کہو الحمدللہ مگر ان میں سے اکثر لوگ جانتے نہی ہیں 

القمان٢٥ 

تشریح 

اللہ پاک نے کیا خوبصورت انداز اپنایا اور تاویلِ عام میں آج کے مسلمان سے خطاب فرما رہے ہیں کہ بندے تو یہ تو مانتا ہے کہ کائنات ساری میری ہے پر اس میری کائنات میں تو اپنی مرضی کی زندگی گزار رہا ہے تو یہ تو جانتا ہے سب کا داتا میں ہوں پر تو اوروں کے در پر جاتا ہے ان سے مانگتا ہےمیرے بندے تجھے یہ پتا ہے رب میں ہوں پر میرے آگے تو سر جھکانے سے بھاگتا ہے روز بھانے بناتا ہے تجھے یہ بھی پتا ہے قرآن میرا کلام ہے پر تونے کبھی زحمت ہی نہی کی اسے سمجھنے کی تجھے جب سب پتا ہے تو کیوں میرے در پر نہی آتا صرف زبانی کلامی کہ دینا سب اللہ کا ہے کافی نہی دل سے مانتے ہو تو اسکا یہ تقاضا ہے بندگی بھی میری کرو آؤ میری طرف میں تمھے ہر شے دیتا ہوں پر رجوع تو میری طرف کرو..اگر یہ سب کام تم نہی کرتے تو واقع یہ ہے کہ تم کچھ نہی جانتے پھر یا جان کر انجان ہو تم پھر نام کے مسلمان ہو

ابنِ نوح

courtesy ;یوسف سلطان ,پیر نصیر رحمت اللہ علیہ

کھوٹا کھرا کون ہے

کس سے مانگیں، کہاں جائیں ، کس سے کہیں_اور دنیا میں حاجت روا کون ہے 

سب کا داتا ہے تو، سب کو دیتا ہے تو _تیرے بندوں کا تیرے سوا کون ہے 

کون مقبول ہے، کون مردود ہے_بے خبر، کیا خبر تجھ کو کیا کون ہے 

جب تُلیں گے عمل سب کے میزان پر_تب کھلے گا کہ کھوٹا کھرا کون ہے 

کون سنتا ہے فریاد مظلوم کی _کس کے ہاتھوں میں کنجی ہے مقسوم کی 

رزق پر کس کے پلتے ہیں شاہ و گدا_مسند آرائے بزمِ عطا کون ہے 

اولیا تیرے محتاج اے ربّ کل _تیرے بندے ہیں سب انبیاء و رُسُل 

ان کی عزت کا باعث ہے نسبت تری _ان کی پہچان تیرے سوا کون ہے 

میرا مالک مری سن رہا ہے فغاں _جانتا ہے وہ خاموشیوں کی زباں 

اب مری راہ میں کوئی حائل نہ ہو _نامہ بر کیا بلا ہے، صبا کون ہے 

ابتدا بھی وہی، انتہا بھی وہی _ناخدا بھی وہی، ہے خدا بھی وہی 

جو ہے سارے جہانوں میں جلوہ نما _اس اَحَد کے سوا دوسرا کون ہے 

وہ حقائق ہوں اشیاء کے یا خشک و تر _فہم و ادراک کی زد میں ہیں سب مگر 

ماسوا ایک اس ذاتِ بے رنگ کے _فہم و ادراک سے ماورٰی کون ہے 

انبیا، اولیا، اہل بیت نبی _تابعین و ‌صحابہ پہ جب آ بنی 

گر کے سجدے میں سب نے یہی عرض کی_تو نہیں ہے تو مشکل کشا کون ہے 

اہل فکر و نظر جانتے ہیں تجھے _کچھ نہ ہونے پہ بھی مانتے ہیں تجھے 

اے نصیرؔ اس کو تو فضلِ باری سمجھ _ورنہ تیری طرف دیکھتا کون ہے

RED NEXT;نکسیر پھوٹنا